2047 నాటికి భారతదేశాన్ని అభివృద్ధి చెందిన దేశంగా (వికసిత్ భారత్) మార్చాలన్న ప్రధాని నరేంద్ర మోదీ సంకల్పానికి అనుగుణంగా, యువతను మత్తు పదార్థాల బారిన పడకుండా కాపాడేందుకు కేంద్ర ప్రభుత్వం కీలక కార్యాచరణను ప్రకటించింది. గోవా పర్యటనలో ఉన్న కేంద్ర హోం మంత్రి అమిత్ షా నార్కోటిక్స్ కంట్రోల్ అంశంపై మాట్లాడుతూ రాబోయే మూడేళ్లను (2026-2029) డ్రగ్స్పై పోరాటంలో 'మిషన్ మోడ్'గా ప్రకటించారు.
• 100 అంతర్జాతీయ కార్టెల్స్ను కూల్చడమే లక్ష్యం
కేంద్ర హోం శాఖ, ఎన్సీబీ (NCB), రాష్ట్రాల పోలీసు బలగాలు మరియు కేంద్ర నిఘా విభాగాలు సమన్వయంతో దేశంలో డ్రగ్స్ మాఫియాను సమూలంగా అంతం చేయడానికి రంగం సిద్ధం చేశాయి. ఇందులో భాగంగా
• 100 అంతర్జాతీయ మరియు అంతర్రాష్ట్ర డ్రగ్స్ సిండికేట్లను పూర్తిగా ధ్వంసం చేయడం.
• మాదకద్రవ్యాల కేసుల్లో విదేశాలకు పారిపోయిన 100 మంది కీలక నేరగాళ్లను సీబీఐ, ఇంటర్పోల్ సహకారంతో దేశానికి రప్పించడం.
• సింథటిక్ డ్రగ్స్, రసాయనాలు తయారు చేసే 100 రహస్య ప్రయోగశాలలను మూసివేయడం.
• 4 Pillars Strategy
ఈ పోరాటం కేవలం అరెస్టులతోనే ఆగదని, వ్యవస్థాగత మార్పు తెచ్చేందుకు నాలుగు ప్రధాన స్తంభాలపై రోడ్మ్యాప్ రూపొందించినట్లు అమిత్ షా స్పష్టం చేశారు.
• ఇంటెలిజెన్స్ మరియు ఆపరేషన్ ఆధారిత కఠిన అమలు.
• సింథటిక్ డ్రగ్స్, ముడి రసాయనాల నియంత్రణ.
• మత్తు పదార్థాల డిమాండ్ను తగ్గించడం, బాధితులకు పునరావాసం.
• అంతర్గత దర్యాప్తు సంస్థల మధ్య సమన్వయం మరియు సామర్థ్య పెంపు.
ఎయిర్పోర్టులు, నౌకాశ్రయాలు మరియు సరిహద్దుల్లో అత్యాధునిక స్కానర్లను మోహరించడంతో పాటు ఈడీ (ED), ఫైనాన్షియల్ ఇంటెలిజెన్స్ యూనిట్ (FIU) ద్వారా డ్రగ్స్ మాఫియా ఆర్థిక మూలాలను దెబ్బతీస్తామని కేంద్రం హెచ్చరించింది.
కామెంట్లు లేవు:
కామెంట్ను పోస్ట్ చేయండి